06:16 Ռոբերտ Լևանդովսկին «Բորուսսիայի» երկրպագուների աջակցության կարիքն ունի | |
Դորտմունդի «Բորուսսիայի» հարձակվող Ռոբերտ Լևանդովսկին, ով նախօրեին պայմանագիր է կնքել ու հունիս ամսից հանդես է գալու Մյունխենի «Բավարիայում», կոչով դիմել է դորտմունդյան ակումբի երկրպագուներին: - «Բորուսսիայի» թանկագին երկրպագուներ: Այսօրվա գրառումս ուզում եմ նվիրել ձեզ: Մենք միասին դեռ կես տարի պետք է անցկացնենք: Այս ընթացքում մենք ընդհանուր նպատակներ ենք ունենալու, որոնց ես կուզենայի հասնել ձեզ հետ միասին: Ուզում եմ վստահեցնել, որ փորձելու եմ ինձ լավագույն կողմերով դրսևորել: Ակնկալում եմ ձեր աջակցությունը,- գրել է Լևանդովսկին ֆեյսբուքյան իր էջում: Նշենք, որ Լևանդովսկին «Բավարիայում» տարեկան 8 մլն եվրո աշխատավարձ կստանա: | |