Այս պահին ընթացող, Անգլիայի Պրեմիեր լիգայի 25-րդ տուրի «Լիվերպուլ» - «Արսենալ» մրցավեճի մեկնարկից 20 րոպե անց, արդեն, հյուրերը «Էնֆիլդ Ռոուդ» մարզադաշտում զիջում են «մերսիսայդցիներին» 0:4 հաշվով:

ԱՊԼ-ի պատմության մեջ սա երկրորդ դեպքն է, երբ «զինագործները» նախքան առաջին խաղակեսի ավարտը սեփական դարպասն ընդունում են չորս և ավելի գոլեր:  Այսպես, 2001 թվականին նույն Արսեն Վենգերի սաները «Մանչեսթեր Յունայթեդի» հետ մրցավեճի առաջին խաղակեսում հինգ գնդակ էին ընդունել մրցակցից, իսկ հետագայում պարտվեցին 1:6 հաշվով:

Ի դեպ, եթե այսօր «զինագործները» պարտվեն մրցակցի հարկի տակ, ապա դա կլինի «Արսենալի» առաջին արտագնա պարտությունը «Լիվերպուլից»՝ 7-ամյա տարեգրության մեջ, երբ 2007 թվականին «կարմիրները» զիջել են 1:4 հաշվով: