Հայաստանի ազգային հավաքականի կիսապաշտպան Հենրիխ Մխիթարյանը, ով դուբլի հեղինակ դարձավ Գերմանիայի առաջնության 20-րդ տուրի «Վերդերի» դեմ խաղում, հանդիպման վերաբերյալ իր մեկնաբանությունն է տվել:

«Այս երկու գոլը, անխոս, կօգնի ինձ: Անկեղծ ասած` ինձ վրա մեծ ճնշում կար, բայց ես հավատում էի ինձ և աշխատում է մարզչի աջակցության ներքո: Ցանկանում եմ շնորհակալություն հայտնել իմ խաղընկերներին, ովքեր շատ աշխատեցին, որպեսզի ես կարողանամ աչքի ընկնել»,-Մխիթարյանի խոսքերը մեջբերել են գերմանական պարբերականները:

Հիշեցնենք, որ հայ ֆուտբոլիստի խաղը գոհացրել էր «Բորուսսիայի» գլխավոր մարզիչ Յուրգեն Կլոպին:

AllSport.am